Makadwat na gyud ang mga Senior Citizens sa 80 ka barangay ning syudad ug tag Kwatro Mil matag-usa isip unang hut-ong nga pinansyal nga ayuda gikan sa kagamhanan ning dakbayan karong Marso 25, Lunes alang sa North District barangays, ug Marso 26, Martes alang sa South District Barangays.
 

Kahinumduman nga gihingusgan ni Cebu City Mayor Michael Rama nga pausbawan ang maong pinansyal nga abag gikan sa Kwatro Mil sa 2011, Siete Mil sa 2012, ngadto sa tag Dies Mil ning tuig 2013.

Gihingusgan usab sa Mayor nga adto ipanghatag sa tagsa tagsa ka barangay ang financial assistance kini aron dili na mahago, mahasol ug makagasto ang mga katigulangan ning dakbayan sa pag-adto pa sa city hall.

Samtang gidayeg sa mga Senior Citizens si Mayor Rama gumikan sa tinguha niini nga sayong mahatag ang ilang benepisyo ug nga diha mismo sa ilang tagsa tagsa ka mga barangay. Atol sa pagpahigayon sa 'City Hall at Your Doorsteps' sa Barangay Apas ning adlawa, nalipay ang Senior Citizens niini sa pagkadungog sa maayong balita alang kanila.

Sa laing bahin, gipasalamatan usab sa mga Barangay Officials ang Mayor gumikan sa iyang sinsiro nga panerbisyo ilabina sa pag-atiman sa sektor sa mga katigulangan, pinaagi sa pagpangita sa tanang matang sa pamaagi aron mas mapasayon ang pag-apod-apod sa benepisyo alang sa mga katigulangan ning syudad.

Gihatagan ug dakong importansya ni Mayor Rama ang mga katigulangan gumikan kay sila ang tamdanan sa mga sumusunod nga henerasyon. Giilia sa Mayor ang ilang dakong natampo nga kalambuan sa dakbayan niadtong lig-on pa ang ilang mga kalawasan. Kini alang usab paghatag ug ayuda labi na sa mga kabus nga katigulangan. Ang syudad sa Sugbo usa gayod ka ehemplo sa maayong pagtagad sa mga katigulangan sa tibuok nasod sa Pilipinas.

Giawhag usab sa Mayor ang mga kawani sa City Treasurer's Office (CTO), Department of Social Welfare Services (DSWS), Office of the Senior Citizens Affairs (OSCA), Cebu City Police office (CCPO) ug uban pang mga kawani sa dakbayan ug mga kabarangayan nga magtinabangay aron sa hapsay nga distribusyon sa pinansyal nga abag sa mga katigulangan.

Naglaum usab ang Mayor nga magmalipayon ang tanang mga Senior Citizens sa ilang pagsugat ug pagsaulog sa Semana Santa, inubanan ang kadasig ug kabaskog sa lawas aron nga makapadayon sa ilang katilingbanong kaakuhan.

The engineering department of Cebu City conducted an inspection at the South Road Properties (SRP) tunnel after water leakage was reported by several witnesses last Tuesday, March 5, 2013.