Gitunol ni Cebu City Mayor Michael Rama ang 'search camera' ngadto sa Emergency Rescue Unit Foundation-Philippines kon ERUF niadtong Hunyo 11, 2012 ngadto sa iyang buhatan.

Pipila ka mga representante sa ERUF nga gipangulohan ni Chief-of-Operations Medardo Batiller ang midawat sa brand new search camera equipment nga gamiton alang sa search and rescue operations panahon sa emerhensiya.

Matud pa ni Alvin Santillana kinsa mao ang executive officer sa Cebu City Disaster Risk Reduction Management Council(CCDRRMC) nga anaa'y tulo ka komponent ang maong ekipo diin magamit alang sa pagpangita sa mga biktima sama sa mga natanggong sulod sa mga nahugno'ng edipisyo mahitungod sa linog og mga katalagman.   
                                                                                                                  

Apil sa ‘SearchCam’ set ang ‘Breaching System’ nga para bangag sa kahoy, konkreto, puthaw, o metal; ‘Search camera’ (victim location camera) nga maoý gamiton alang sa pagpangita kun anaay tao sulod sa nahugno nga imprastruktura. Anaa sa'y ‘Hasty Search Kit’ (Rapid Detection & Location System) o sensor nga magamit sama sa pagpahimatngun og tingog kon seismic sound, og apil na kon adunaý mga lihok ilawm sa natumpag nga edipisyo. 
                                                                                                                                                                  

Sigon ni Santillana nga ang bag-o’ng camera nga gipalit sa Estados Unidos nagkantidad og 1.5 milyones pesos diin gikuha gikan sa lokal nga pondo sa CCDRRMC sa milabay nga tuig 2011.