Mupahigayon ug upat kalain-laing Job Fair ang Department of Manpower Development and Placement karong buwan sa Agosto.
Matod Pa ni DMDP Head Fidel Magno plantsado na maong kalihokan nga ipahigayon sa mga mosunod, Agosto 4 sa Barangay Poblacion Pardo Sports Complex; Agosto 11 sa Brgy. T. Padilla Sports Complex; Agosto 18 sa Brgy. Inayawan Sports Complex; Agosto 18 Brgy. San Roque Sports Complex.
Kahinumduman nga ang 'Father of Ceb City Jobs Fair' mao si Cebu City Mayor Michael Lopez Rama kinsa uban ni Magno misugod sa pagpahigayon sa maong mabulukong kalihokan niadtong Konsehal pa si Mayor Rama.
Dako ug ikatabang sa mga katawhang Sugbuanon nga nangita ug trabaho ilabina sa mga 'Fresh graduates' ang inisyatiba sa Mayor.
Pinaagi sa local jobs fair nga gipahigayon sa DMDP, sulod sa bulan sa Hulyo mikabat sa126 ka mga katawhang Sugbuanon ang nakatrabaho gumikan sa maong kalihokan.(Greggy Jiggs P. Senados - PIO Staff)
