Ipanghatag na karong adlawa ang balor nga P161,228.82 alang sa burial ug medical nga ayuda alang sa 81 ka mga katawhang Sugbuanon ngadto sa lobby sa opisina ni Cebu City Mayor Michael Rama.

Naglangkob kini sa 53 ka mga hingtungdan sa ilang kabanay nga nitaliwan na sa laing kinabuhi nga makadawat ug tag P10,000.00 matag usa.

Mokabat usab sa 28 ka nga katawhang naglisod ug bayad sa ospital ug palit ug tambal ang makadawat ug pinansyal nga hinabang gikan sa CHAMP kon City Hospitalization and Medical Assistance Program.

Ang opisina sa CHAMP anaa nahimutang sa buhatan sa Cebu City Medical Center ug ang opisina sa Office of Burial Assistance anaa sa 2nd Floor sa Legislative Building sa Cebu City Hall.

Ang makapahimulos sa maong mga programa nga ayudang pinansyal mao lamang ang lihitimong lumulupyo sa 80 ka Barangay nga naglangkob sa Syudad sa Sugbo.